Daemons of the Shadow Realm

ඇනිමේ පිස්සෝ හැමෝටම ආයෙත් සුභම සුභ දවසක්! 🫡

ඔයාලා Fullmetal Alchemist (FMA) බලලා තියෙනවද? ඇනිමේ ලෝකේ මෙදානෙදා බිහිවුණු සුපිරිම කතාවක් විදිහට තමයි ඒක සැලකෙන්නේ. ඉතින් අද මම අරන් ආවේ අන්න ඒ කතාව ලියපු මාස්ටර්මයින්ඩ් එක, ඒ කියන්නේ Hiromu Arakawa ගේ අලුත්ම ඇනිමේ එක. ඒ තමයි “Daemons of the Shadow Realm” (ජපන් නම: Yomi no Tsugai). 😚

මේක නිකන්ම නිකන් අලුත් ඇනිමේ එකක් නෙමෙයි. මේක Chainsaw Man, JJK වගේ සුපිරි ඇක්ෂන්, ඒ වගේම ඔළුව අවුල් කරන අභිරහස් කැමති අයට මරුම අත්දැකීමක්!

කතාව පටන් ගන්න කන්දක් උඩ තියෙන, පිට ලෝකෙන් සම්පූර්ණයෙන්ම වෙන් වුණු හරිම සාම්ප්‍රදායික ගමකින්. මේ ගමේ ඉන්නවා යුරු සහ ආසා කියලා නිවුන් සහෝදරයෝ දෙන්නෙක්. යුරු කැලේ සත්තු දඩයම් කරගෙන පාඩුවේ ඉන්නවා. හැබැයි එයාගේ නංගි වෙන ආසාව ගමේ අය විශේෂ තැනක හිර කරලා වගේ තමයි තියන් ඉන්නේ.

දවසක් මේ සාමකාමී ගමට එකපාරටම අහසින් හෙලිකොප්ටර් ඇවිත්, නවීන ආයුධ ගත්තු කට්ටියක් ගහන්න පටන් ගන්නවා. මේ දරුණු ප්‍රහාරය මෙහෙයවන නායිකාව කවුද දන්නවද? ඒ වෙන කවුරුත් නෙමෙයි, අර යුරුගේ නිවුන් සහෝදරිය කියන ආසා! එතකොට ගමේ හිටපු ආසා කවුද? අන්න එතනින් තමයි කතාවේ පිස්සුව පටන් ගන්නේ. 🤯

මේ ප්‍රහාරය අස්සේ යුරුට හම්බවෙනවා ගම ආරක්ෂා කරන ‘සුගයි’ (Daemons / යක්ෂයින්) දෙන්නෙක්. එයාලට කියන්නේ වම සහ දකුණ කියලා (වම් සහ දකුණු අත වගේ). මේ දෙන්නා පට්ටම පවර්ෆුල්. එතනින් එහාට යුරු මේ අභිරහස හොයාගෙන නවීන ලෝකෙට යන ගමන තමයි කතාවේ තියෙන්නේ.

FMA වයිබ් එක (The Arakawa Magic): මේකේ ආර්ට් ස්ටයිල් එක වගේම, කතාවේ තියෙන ගැඹුර, දේශපාලනික කුමන්ත්‍රණ සහ ලෝක ගොඩනැගීම (World-building) අර පරණ FMA මතක් කරවනවා.

මේකේ ෆයිට්ස් මාරම වෙනස්. JJK වල Shikigami ලා වගේ තමයි මේ Tsugai ලා ඉන්නේ. හැබැයි මෙයාලා හැමතිස්සෙම ඉන්නේ ජෝඩු විදිහට (උදාහරණයක් විදිහට දකුණ සහ වම, උඩ සහ යට වගේ). මේක නිසා සටන් වලදී අමුතුම ටැක්ටික්ස් පාවිච්චි කරන්න වෙනවා.
පළවෙනි එපිසෝඩ් එකේ ඉඳන්ම “අඩෝ ඒ මොකක්ද ඒ වුණේ” කියලා හිතෙන ප්ලොට් ට්විස්ට් තොගයක් මේකේ තියෙනවා. කවුද හරි, කවුද වැරදි කියලා හොයාගන්න බැරි වෙනවා.

මේක මුලදී ටිකක් සාමාන්‍ය ඇඩ්වෙන්චර් එකක් වගේ පෙනුනට, කතාව ඉස්සරහට යද්දී හිතාගන්න බැරි තරම් අඳුරු (Dark) සහ ලේ වැගිරෙන තැන් වලට යනවා. පාවාදීම්, රහස් සංවිධාන එක්ක මේක සිරාම සීරියස් කතාවක්.

ඉතින් යාලුවනේ, අලුත්, ගේම් එක වෙනස් කරන Action/Mystery ඇනිමේ එකක් හොයනවා නම්, Daemons of the Shadow Realm කියන්නේ අනිවාර්යයෙන්ම ලිස්ට් එකේ උඩින්ම තියාගන්න ඕන එකක්! 🤗

උපසිරැසිකරණය

අංජන ප්‍රදීප්

Anime Club Sub Team

• Ongoing